ՖՐԱՆՍԻԱՅԻ ԽՈՐՀՐԴԱՐԱՆԸ ՀԱՒԱՆՈՒԹԵԱՆ Է ՏՈՒԵԼ ՆԵՐԳԱՂԹԻ
ՎԵՐԱՀՍԿՈՂՈՒԹԻՒՆԸ ԽՍՏԱՑՆԵԼՈՒ ՕՐԷՆՔԻ ՆԱԽԱԳԾԻՆ
24-10-2007 15:16:00 | | Միջազգային
ՓԱՐԻԶ, 24 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ֆրանսիայի խորհրդարանի
երկու պալատները ձայների մեծամասնութեամբ հաւանութիւն են տուել
ներգաղթի վերահսկման մասին օրէնքի նախագծին, որը նախատեսում է
երկրում կատաղի բանավէճի պատճառ դարձած ԴՆԹ-ի անալիզի մասին
դրոյթ: Խօսքը ընտանիքների վերամիաւորման ընթացակարգի շրջանակում
Ֆրանսիա ներգաղթելու թեկնածուների գենետիկական տեստերի մասին է, որ
նպատակ ունի հաստատել նրանց արյունակցական կապերը ազգականների հետ:
Վերջին չորս տարում սա արդէն չորրորդ օրէնքն է, որ խստացնում
է երկիր մուտք գործելու եւ ֆրանսիական քաղաքացիություն ստանալու
պայմանները: Նախագահ Նիկոլա Սարկոզին յայտարարել է միգրացիոն
հոսքերը վերահսկողութեան տակ առնելու եւ «ընտրովի ներգաղթի»
անցնելու մտադրութեան մասին:
Իշխանութիւնների տուեալներով, Ֆրանսիայում այժմ անօրինական
գտնւում են 200-400 հազար արտասահմանցիներ: