ԼԵՀԱՍՏԱՆԻ ՆՈՐ ԿԱՌԱՎԱՐՈՒԹԵԱՆ ԳԼԽԱՒՈՐ ԽՆԴԻՐՆԵՐԻՑ ՄԷԿԸ ԿԼԻՆԻ
ՌՈՒՍԱՍՏԱՆԻ ՀԵՏ ՅԱՐԱԲԵՐՈՒԹԻՒՆՆԵՐԻ ԲԱՐԵԼԱՒՈՒՄԸ
23-10-2007 18:15:00 | | Միջազգային
ՎԱՐՇԱՒԱ, 23 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Լեհաստանի նոր
կառավարութեան գլխաւոր խնդիրներից մէկը կլինի Ռուսաստանի հետ
յարաբերութիւնների բարելաւումը, յայտարարել է կիրակնօրեայ արտահերթ
խորհրդարանական ընտրութիւններում յաղթանակ տարած «Քաղաքացիական
պլատֆորմ» (ՔՊ) կուսակցութեան առաջնորդ Դոնալդ Տուսկը:
Առկայ են Ռուսաստանի հետ յարաբերութիւնների բարելաւման «զգալի
յոյսեր», քանի որ «մենք երկար տարիների ընթացքում առաջին անգամ
Մոսկուայից այդպիսի լաւ գնահատականներ լսեցինք: Ջերմացման յոյսեր
կան», ընդգծել է Տուսկը:
Ինչպէս սպասւում է, ընտրութիւններում յաղթած ՔՊ-ի
ղեկավարութիւնը արդէն այսօր նրան կառաջարկի զբաղեցնել վարչապետի
պաշտօնը եւ ձեռնամուխ լինել նոր կառավարութեան ձեւաւորմանը: