ՂՐՂԶՍՏԱՆԻ ՆԱԽԱԳԱՀԸ ՀՐԱՄԱՆԱԳԻՐ Է ՍՏՈՐԱԳՐԵԼ ԽՈՐՀՐԴԱՐԱՆԸ
ՎԱՂԱԺԱՄԿԷՏ ՑՐԵԼՈՒ ՄԱՍԻՆ
22-10-2007 19:18:00 | | Միջազգային
ԲԻՇՔԷԿ, 22 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ղրղզստանի նախագահ
Կուրմանբեկ Բակիեւը երկրի խորհրդարանը ցրելու հրամանագիր է
ստորագրել: Առայժմ չի հաղորդւում, թէ երբ կկայանան արտահերթ
խորհրդարանական ընտրութիւններ:
Այս որոշման համար Բակիեւին հիմք են ծառայել անցած կիրակի
կայացած սահմանադրութեան նոր խմբագրութեան հարցով հանրաքուէի
արդիւնքների վերաբերեալ ԿԸՀ նախնական տուեալները: Ըստ նախնական
տուեալների, որ մամլոյ ասուլիսում հրապարակել են Ղրղզստանի ԿԸՀ
ներկայացուցիչները, ընտրողների մեծ մասը` մօտ 75 տոկոսը, քուէարկել
է հիմնական օրէնքի փոփոխութիւնների օգտին:
Սահմանադրութեան նոր խմբագրութեան գլխաւոր
առանձնայատկութիւնը խորհրդարանական ընտրութիւնների անցկացումն է
միմիայն կուսակցական ցուցակներով:
Հանրաքուէի պաշտօնական արդիւնքները ԿԸՀ-ն խօստանում է
հրապարակել հոկտեմբերի 23-ին: