ԻՍՐԱՅԵԼԸ ԼՈՒԿԱՇԵՆԿՈՅԻՆ ՄԵՂԱԴՐԵԼ Է ՀԱԿԱՍԵՄԻՏԻԶՄԻ ՄԷՋ
19-10-2007 19:40:00 | | Միջազգային
ԹԵԼ ԱՒԻՒ, 19 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Իսրայելը
«հակասեմիտական» է համարել Բելոռուսիայի նախագահ Ալեքսանդր
Լուկաշենկոյի արտայայտութիւնները, որը, ինչպէս պնդում է
իսրայելեան ԱԳՆ-ն, ելոյթներից մէկի ժամանակ Բոբրույսկ քաղաքի
անբարեկարգ վիճակը բացատրել է նրա հրեական անցեալով:
Արտաքին քաղաքական գերատեսչութեան անգլերէն հաղորդագրութեան
մէջ բերւում է Լուկաշենկոյին վերագրւող եւ իսրայելցիներին
զայրացրած արտայայտութիւնը. «Ակնյայտ է, որ սա հրեական քաղաք է:
Հրեաները չեն հոգում այն վայրի մասին, որտեղ նրանք ապրում են:
Օրինակ, Իսրայելը, ես այնտեղ եղել եմ»:
Իսրայելի փոխվարչապետ եւ արտաքին գործերի նախարար Ցիպի Լիվնին
«վճռականօրէն դատապարտել է նախագահի բացայայտ հակասեմիտական
արտայայտութիւնները», ասւում է հաղորդման մէջ:
Բացատրութիւնների համար Իսրայելի ԱԳՆ է հրաւիրուել Թել
Աւիւում Բելոռուսիայի դեսպան Իգոր Լեշչենյան:
ԴԱՍ. ՀԱՅԵՐԵՆ 
Հայերեն
Русский
English
French