ԱՄՆ-ՈՒՄ ՌՈՒՍ ԴԻՒԱՆԱԳԷՏԸ ԴԱՏԱՊԱՐՏՈՒԵԼ Է 51 ԱՄՍՈՒԱՅ
ԲԱՆՏԱՐԿՈՒԹԵԱՆ
15-10-2007 14:31:00 | ԱՄՆ | Միջազգային
ՆՅՈՒ ԵՈՐՔ, 15 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ռուս դիւանագէտ
Վլադիմիր Կուզնեցովը, որին ԱՄՆ-ում մեղաւոր են ճանաչել փողերի
լուացման մէջ, դատապարտուել է չորս տարուայ եւ երեք ամսուայ
բանտարկութեան եւ 73 հազար դոլար տուգանքի: Այդ ժամկէտը լրանալուց
յետոյ նա երկու տարի կգտնուի հրապարակային հսկողութեան տակ: Իր
ժամկէտի հաշուարկը նա կսկսի հոկտեմբերի 22-ից Ալլենվուդի
դաշնապետական բանտում (Փենսիլվանիայի նահանգ):
Կուզնեցովին ԱՄՆ-ի իշխանութիւնները մեղադրում են նրանում, որ
2000 թուականին նա օֆշորային ընկերութիւն է հիմնել իբր անօրինական
միջոցները թաքցնելու համար, որոնք նա յետոյ հինգ տարի շարունակ
ստացել է ՄԱԿ-ի գնումների ծառայութեան աշխատակից Ալեքսանդր
Յակովլեւից: Կուզնեցովն ինքը ամբողջովին ժխտում է իր մեղքը եւ
բազմիցս յայտարարել է, որ իրեն ոչինչ յայտնի չի եղել Յակովլեւից
պարտքով իր վերցրած 300 հազար դոլարի յանցաւոր ծագման մասին: