ՅՈՒՆՎԱՐԻ 1-ԻՑ ՀԱՅԱՍՏԱՆՈՒՄ ՆՈՒԱԶԱԳՈՅՆ ԱՄՍԱԿԱՆ ԱՇԽԱՏԱՎԱՐՁԸ ԵՎ
ՀԱՐԿՄԱՆ ԵՆԹԱԿԱՅ ԵԿԱՄՈՒՏՆԵՐԻ ՆՈՒԱԶԱԳՈՅՆ ՇԵՄԸ ԿԸ ՍԱՀՄԱՆՈՒԻ 25 ՀԱԶԱՐ
ԴՐԱՄ
11-10-2007 20:00:00 | Հայաստան | Տնտեսութիւն
ԵՐԵՎԱՆ, 11 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 11-ի
արտահերթ նիստում ՀՀ Ազգային Ժողովը առաջին ընթերցմամբ ընդունեց
«Նուազագոյն ամսական աշխատավարձի մասին» գործող օրէնքում
փոփոխութիւններ կատարելու վերաբերեալ օրինագիծը: Ըստ այդմ,
կառավարութիւնը, մասնաւորապէս, առաջարկում է համաձայն ՀՀ
2008-2010թթ.-ի պետական միջնաժամկէտ ծախսերի ծրագրի 2008թ.-ի
յունվարի 1-ից նուազագոյն ամսական աշխատավարձը սահմանել 25 հազար
դրամ (մօտ 73,5 ԱՄՆ դոլար)` ներկայիս 20 հազար դրամի փոխարէն:
Դրա հետ կապուած առաջին ընթերցմամբ ընդունուեց նաեւ
«Եկամտահարկի մասին» փոփոխութիւն նախատեսող օրինագիծը, որով
հարկման ենթակայ եկամուտների նուազագոյն շեմը սահմանւում է 25 հազար
դրամ: