ՈՒՂԵԾԻՐ Է ԴՈՒՐՍ ԵԿԵԼ ԱՌԱՋԻՆ ՄԱԼԱՅԶԻԱՑԻ ՏԻԵԶԵՐԱԳՆԱՑԸ
10-10-2007 21:05:00 | | Միջազգային
ԱՍՏԱՆԱ, 10 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Բայկոնուրից
«Սոյուզ-ՖԳ» հրթիռը ուղեծիր է դուրս բերել «Սոյուզ ՏՄԱ-11»
տիեզերանաւը, որը միջազգային տիեզերակայան կհասցնի 16-րդ
արշաւախմբի անձնակազմին եւ Մալայզիայի առաջին տիեզերագնացին:
Հիմնական 16-րդ արշաւախմբի անձնակազմը` ռուսաստանցի Եուրի
Մալենչենկոն եւ ՆԱՍԱ-ի աստղագնաց Պեգգի Ուիթսոնը, տիեզերակայանում
կմնան կէս տարի: Մալայզիացի առաջին տիեզերագնաց Շեյխ Մուզաֆար
Շուքորը միջազգային տիեզերակայանում մի շարք գիտափորձեր
կիրականացնի եւ 11 օր անց կվերադառնայ Երկիր` ապրիլից ուղեծրում
աշխատող Ֆյոդոր Յուրչիխինի եւ Օլեգ Կոտովի հետ միասին: