ՌՈՒՍԱՍՏԱՆԸ ՎԵՐԱԿԱՆԳՆՈՒՄ Է ՄՈԼԴԱՒԱԿԱՆ ԳԻՆՈՒ ՆԵՐՄՈՒԾՈՒՄԸ
10-10-2007 15:16:00 | | Միջազգային
ՔԻՇՆԵՎ, 10 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 9-ից
Մոլդավիան սկսում է ապրանքանշաններ տրամադրել Ռուսաստան գինի
արտահանողներին: Այս մասին յայտնել է «Մոլդովա-Վին»
ագրոարդիւնաբերական գործակալութեան ղեկավար Վալերի Միրոնեսկուն:
Ըստ նրա, Ռուսաստան մոլդովական գինու արտահանման
վերականգնումը հնարաւոր է դարձել այն պայմանավորվածությունների
շնորհիւ, որ ձեռք էին բերուել Մոլդաւիայի եւ Ռուսաստանի նախագահների
միջեւ հոկտեմբերի սկզբին Դուշանբեում ԱՊՀ գագաթնաժողովի ժամանակ:
Մոլդաւական եւ վրացական գինու մատակարարումները Ռուսաստան, որ
սպառում էր երկու երկրների գինեգործական արտադրանքի 80%-ից աւելին,
դադարեցուել էին անցած տարուայ մարտից:
Ռուսաստանը դա բացատրել էր որակի ստանդարտներին այդ գինիների
անհամապատասխանությամբ: Վրաստանն ու Մոլդավիան Ռուսաստանին
մեղադրել էին տնտեսական ճնշում գործադրելու փորձերի մէջ: