ԱՊՀ ԱՌԱՋՆՈՐԴՆԵՐԸ ԸՆԴՈՒՆԵԼ ԵՆ ԿԱԶՄԱԿԵՐՊՈՒԹԵԱՆ ՅԵՏԱԳԱՅ
ԶԱՐԳԱՑՄԱՆ ՀԱՅԵՑԱԿԱՐԳ
05-10-2007 20:58:00 | | Միջազգային
ԴՈՒՇԱՆԲԵ, 5 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ԱՊՀ գագաթնաժողովն
ընդունել է Համաձայնեցուած միգրացիոն քաղաքականութեան մասին
յայտարարագիր եւ ԱՊՀ յետագայ զարգացման հայեցակարգ:
Հայցեկարգը հաւանութեան է արժանացել Պետութիւնների
ղեկավարների խորհրդի որոշմամբ: Փաստաթուղթը կազմուած է 10 էջից: ԱՊՀ
յետագայ զարգացման հայեցակարգի մասին որոշման մէջ ասւում է, որ
«Հայեցակարգի իրագործմանն ուղղուած հիմնական միջոցառումների ծրագրի
կատարման եւ ԱՊՀ պետութիւնների ղեկավարների խորհրդի ամենամեայ
իրազեկման գործողութիւնների կոորդինացումը իրականացնում է ԱՊՀ
պետութիւնների ղեկավարների խորհրդում նախագահող պետութիւնը»:
Համաձայնեցուած միգրացիոն քաղաքականութեան վերաբերեալ
առաջարկների մասին որոշման մէջ նշւում է, որ Յայտարարագրի հիմքում
դրուած առաջնահերթ համալիր միջոցառումների մշակումը յանձնարարուած է
Կառավարությունների ղեկավարների խորհրդին: Կառավարությունների
ղեկավարների խորհրդին նաեւ յանձնարարուած է «Պետութիւնների
ղեկավարների խորհրդի անունից որոշում ընդունել աշխատանքային
միգրանտների եւ նրանց ընտանիքի անդամների իրաւական կարգավիճակի
մասին կոնվենցիայի նախագծի առնչութեամբ»:
ԱՊՀ նոր գործադիր քարտուղարը կլինի Սերգեյ Լեբեդեւը, որն այժմ
Ռուսաստանի արտաքին հետախուզական ծառայութեան ղեկավարն է: Նա այդ
պաշտօնում կփոխարինի Վլադիմիր Ռուշայլոյին:
ԴԱՍ. ՀԱՅԵՐԵՆ 
Հայերեն
Русский
English
French