ԻՏԱԼԻԱՆ ԴԷՄ Է ԻՐԱՆԻ ՆԿԱՏՄԱՄԲ ՏՆՏԵՍԱԿԱՆ ՊԱՏԺԱՄԻՋՈՑՆԵՐԻՆ
05-10-2007 16:47:00 | | Միջազգային
ՀՌՈՄ, 5 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Իտալիան կտրականապէս դէմ է
Ֆրանսիայի արտաքին գործերի նախարար Բեռնար Կուշների` Իրանի դէմ
տնտեսական պատժամիջոցներ սահմանելու առաջարկութեանը: Այս մասին
յայտարարել է Իտալիայի արտաքին քաղաքական գերատեսչութեան ղեկավար
Մասսիմո Դ'Ալեման:
Ըստ արտգործնախարարի, ինքը երկար հեռախօսազրոյց է ունեցել
Գերմանիայի արտաքին գործերի նախարար Ֆրանկ-Վալտեր Շտայնմայերի հետ,
որի ընթացքում իրենք պայմանաւորուել են կոորդինացնել իրենց
քաղաքականութիւնը Իրանի նկատմամբ:
«Հռոմը եւ Բեռլինը Իրանի ամենախոշոր տնտեսական գործընկերներն
են, եւ այդ երկրի դէմ ԵՄ պատժամիջոցները կարող են աղէտի հանգեցնել
իտալական եւ գերմանական տնտեսությունները»,- նշել է Մասսիմո
Դ'Ալեման:
ԴԱՍ. ՀԱՅԵՐԵՆ 
Հայերեն
Русский
English
French