ՖՐԱՆՍԻԱՅԻ ԱԳՆ ՂԵԿԱՎԱՐԸ ՊԱՀԱՆՋՈՒՄ Է ՆՈՐ ՊԱՏԺԱՄԻՋՈՑՆԵՐ
ՍԱՀՄԱՆԵԼ ԻՐԱՆԻ ԴԷՄ ԵՄ-Ի ԿՈՂՄԻՑ
04-10-2007 20:13:00 | | Միջազգային
ՓԱՐԻԶ, 4 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ֆրանսիայի արտգործնախարար
Բեռնար Կուշները պահանջել է ԵՄ-ի կողմից նոր, ՄԱԿ ԱԽ-ի բանաձեւերով
չնախատեսուած պատժամիջոցներ սահմանել Իրանի դէմ ի պատասխան ուրանի
հարստացման աշխատանքը դադարեցնելուց Թեհրանի հրաժարման:
«Իրանի կողմից միջուկային զէնքի ձեռք բերումը կարող է իսկական
սպառնալիք դառնալ ողջ աշխարհի համար»,- յայտարարել է Կուշները:
Այդուամենայնիւ Ֆրանսիայի ԱԳՆ ղեկավարը կոչ է արել Իսլամական
Հանրապետութեան միջուկային ծրագրի շուրջ բանակցութիւնները վարել
«մինչեւ վերջ», չբացառելով միաժամանակ Թեհրանի դէմ նոր
պատժամիջոցներ սահմանելու հնարաւորութիւնը: Բեռնար Կուշները
նախազգուշացրել է ֆրանսիական ձեռնարկութիւններին ձեռնպահ մնալ
Իսլամական Հանրապետութեան տնտեսութեան մէջ ցանկացած նոր
ներդրումներից: