ՄՈՍԿՈՒԱՅԻ ԿԵՆՏՐՈՆՈՒՄ ՅԱՅՏՆԱԲԵՐՈՒԵԼ Է 34 ՄԱՐԴՈՒ ԱՃԻՒՆ
04-10-2007 19:45:00 | Ռուսաստան | Միջազգային
ՄՈՍԿՈՒԱ, 4 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Մոսկուայի կենտրոնում
Նիկոլսկայա փողոցի Շերեմետեւյան հյուրատան նկուղում յայտնաբերուել
են տասնեակ մարդկանց աճիւններ: Այս մասին, ինչպէս հաղորդում են
ռուսական ԶԼՄ-ները, հոկտեմբերի 4-ին յայտարարել է մայրաքաղաքի
կենտրոնական վարչական շրջանի ՆԳԲ մամլոյ քարտուղար Ելենա
Պերֆիլովան:
«Նախօրէին միլիցիա է դիմել Նիկոլսկայա փողոցի թիւ 8 տան
վերականգնման աշխատանքներով զբաղուող կազմակերպութեան մի բանուոր:
Տղամարդը պատմել է, որ տան նկուղում մարդկանց աճիւններ են գտել:
Այնտեղ մեկնած միլիցիայի աշխատակիցները ընդհանուր առմամբ
յայտնաբերել են 34 մարդու աճիւն եւ չպարզված նմուշի ժանգոտած մի
ատրճանակ»,- ասել է Պերֆիլովան:
Մասնագէտների կարծիքով, այնտեղ աւելի շատ մարմիններ կարող են
լինել: Անցած դարի 30-ական թուականներին բռնադատուածներին
Լուբյանկայի ՆԳԺԿ շէնքից հանում էին եւ գնդակահարում մօտակայ
շէնքերի նկուղներում: Հնարաւոր է, որ գնդակահարութեան մի վայր էլ
եղել է Շերեմետեւյան առանձնատունը: