ՕՏՏԱՎԱ, 28 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Կանադան պաշտօնապէս
հաստատել է թռչնագրիպի բռնկումը Սասկաչեւան նահանգի խոշոր
թռչնաբուծական ֆերմաներից մէկում: Այս մասին հաղորդում է
«Associated Press» գործակալութիւնը:
Ըստ անասնաբույժ Սանդրա Սթիվենսի, վարակված ֆերմայում գտնուող
բոլոր 50 հազար ճտերը առաջիկայ օրերին կոչնչացուեն: Նա նշել է նաեւ,
որ վարակված թռչուններից ոչ մէկը չի հասցրել յայտնուել սպառման
ներքին կամ արտաքին շուկաներում:
Վիրուսի տուեալ տեսակը անվտանգ է մարդու համար, սակայն,
մասնագէտների գնահատմամբ, յաճախ մեծ վնասներ է հասցնում
թռչնաբուծական տնտեսություններին: Այսպէս, թռչնագրիպի տուեալ
կատեգորիայի վիրուսի պատճառով 2004 թուականին Բրիտանական Կոլումբիա
կանադական նահանգի ֆերմաներից մէկում ոչնչացուել էր մօտ 17 միլիոն
ճուտ: