ԱՄՆ-Ի ԿՈՆԳՐԵՍԸ ՀԱՒԱՆՈՒԹԻՒՆ Է ՏՈՒԵԼ ԻՐԱՆԻ ԴԷՄ ՊԱՏԺԱՄԻՋՈՑՆԵՐԻ
ՄԱՍԻՆ ՕՐԻՆԱԳԾԻՆ
26-09-2007 16:55:00 | ԱՄՆ | Միջազգային
ՎԱՇԻՆԳՏՈՆ, 26 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ի Կոնգրեսի
Ներկայացուցիչների պալատը հաւանութիւն է տուել մի օրինագծի, որ
նախատեսում է լրացուցիչ միակողմանի պատժամիջոցների սահմանում Իրանի
նկատմամբ: Նրա օգտին քուէարկել է 397, իսկ դէմ 16 կոնգրեսական:
Օրինագծում նախանշվում է, որ ԱՄՆ-ի կառավարութիւնը չի կարող
համագործակցութեան որեւէ համաձայնագիր կնքել ցանկացած երկրի հետ,
որը Թեհրանին օգնութիւն է ցուցաբերում իրականացնելու իր
միջուկային ծրագիրը կամ նրան մատակարարում է ժամանակակից
սպառազինութիւն: Այս դրույթի պարզաբանումներում իբրեւ այդպիսի
երկրի օրինակ բերուած է Ռուսաստանի Դաշնութիւնը: