2008-Ի ՕԼԻՄՊԻԱԿԱՆ ԽԱՂԵՐԻՆ ՀԱՅԱՍՏԱՆԻ ՊԱՏՈՒԻՐԱԿՈՒԹԵԱՆ
ՄԱՍՆԱԿՑՈՒԹԵԱՆ ՀԱՄԱՐ ՅԱՏԿԱՑՈՒԵԼ Է 109 ՄԼՆ ԴՐԱՄ
20-09-2007 19:45:00 | Հայաստան | Սպորտ
ԵՐԵՎԱՆ, 20 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: «ՀՀ բիւջէտային
համակարգի մասին» ՀՀ օրէնքին համապատասխան, ՀՀ կառավարութիւնը
սեպտեմբերի 20-ի նիստում որոշում է ընդունել 2007թ.-ի իր
պահուստային ֆոնդից 12 մլն դրամ (մօտ 35 հազար ԱՄՆ դոլար)
յատկացնել ՀՀ Սպորտի եւ երիտասարդության հարցերի նախարարութեանը:
Գումարը յատկացւում է Երեւանում 2007թ.-ին անցկացուելիք աշխարհի
միջեւ 20 տարեկան պատանիների եւ աղջիկների շախմատի առաջնութեան
կազմակերպման նպատակով Հայաստանի շախմատային ֆեդերացիային որպէս
նուիրաբերութիւն տրամադրելու համար:
Ինչպէս նիստից յետոյ լրագրողներին յայտնեց ՀՀ սպորտի եւ
երիտասարդության հարցերի նախարար Արմէն Գրիգորեանը, հոկտեմբերի
2-17-ը Երեւանում անցկացուելիք առաջնութեանը մասնակցելու յայտեր են
արդէն ներկայացրել 40 երկրների ներկայացուցիչներ: Նշուեց, որ դրանց
թւում դեռեւս չկայ Ադրբեջանը:
Ա.Գրիգորեանը տեղեկացրեց նաեւ, որ 2008թ.-ի օլիմպիական
խաղերին Հայաստանի պատուիրակութեան մասնակության համար ընդհանուր
առմամբ կյատկացուի 109 մլն դրամ: Իսկ 2008թ.-ին ՀՀ-ի մարզական
ֆեդերացիաներին նախատեսւում է տրամադրել 850 մլն դրամ: