ԱՀՄԱԴԻՆԵԺԱԴԻՆ ԹՈՅԼ ՉԵՆ ՏԱՅ ԼԻՆԵԼ ՍԵՊՏԵՄԲԵՐԻ 11-Ի
ԱՀԱԲԵԿՈՒԹՅՈՒՆՆԵՐԻ ՎԱՅՐՈՒՄ
20-09-2007 16:43:00 | ԱՄՆ | Միջազգային
ՆՅՈՒ ԵՈՐՔ, 20 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Իրանի նախագահ
Մահմուդ Ահմադինեժադին թոյլ չեն տայ ծաղիկներ դնել «գրաունդ զիրո»
վայրում, որտեղ 2001 թուականի սեպտեմբերի 11-ին ահաբեկիչների գրոհի
հետեւանքով աւերուեցին Առեւտրի համաշխարհային կենտրոնի երկվորյակ
աշտարակները: Այս մասին յայտարարել է Նյու Եորքի ոստիկանական
դեպարտամենտի մամլոյ ծառայութիւնը:
««Գրաունդ զիրո» այցելելու Իրանի նախագահի խնդրանքը մերժուել է
այն պատճառով, որ այնտեղ շինարարական աշխատանքներ են կատարւում,
ինչպէս նաեւ անվտանգութեան նկատառումներով»,- ասւում է քաղաքի
ոստիկանութեան մամուլի քարտուղար Պոլ Բրաունի անունից հրապարակուած
հաղորդման մէջ:
Հենց այս դեպարտամենտն է իրականացնելու 192 պետութիւնների
ղեկավարների պահպանութիւնն ու անվտանգութիւնը, որոնք սկսում են
ժամանել ՄԱԿ-ի կենտրոնակայան ընդհանուր քաղաքական քննարկումների: