ՖՐԱՆՍԻԱՅԻ ՔԱՂԱՔՆԵՐՈՒՄ ԿԱԶՄԱԿԵՐՊՒՈՒՄ ԵՆ ՀԱՅԱՍՏԱՆԻ ՏԱՐՈՒԱՅ
ԱՒԱՐՏԱԿԱՆ ՄԻՋՈՑԱՌՈՒՄՆԵՐ
10-09-2007 20:35:00 | | Մշակոյթ
ՌՈՄԱՆ ՍՅՈՒՐ ԻԶԵՐ, 10 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Ֆրանսիայում
Հայաստանի տարուայ աւարտական միջոցառումների շրջանակներում ՀՀ դեսպան
Էդվարդ Նալբանդեանը եւ Ռոման սյուր Իզերի քաղաքապետ Անրի Բերտոլեն
սեպտեմբերի 9-ին կատարել են «Հայաստանեան ճամփորդութիւններ»
խորագիրը կրող լուսանկարների ցուցահանդէսի բացումը, որին յաջորդել
է հայ երաժշտութեան համերգ:
Ելոյթ ունենալով քաղաքի Սեն Բեռնար մայր տաճարում
կազմակերպուած միջոցառմանը, Հայաստանի դեսպանը առանձնայատուկ
գոհունակութիւն է յայտնել, որ ֆրանսիական բազմաթիւ քաղաքներ ոչ
միայն առանձին միջոցառումներով ակտիւօրէն մասնակցեցին Ֆրանսիայում
Հայաստանի տարուան, այլեւ տեղական մակարդակով կազմակերպեցին
Հայաստանի ամբողջական տարի:
Ըստ ՀՀ ԱԳՆ Մամուլի եւ տեղեկատուութեան վարչութիւնից «ՆՈՅԵԱՆ
ՏԱՊԱՆ»-ին տրամադրած հաղորդագրութեան, միջոցառմանը ներկայ էին Դրոմի
նահանգի պրեֆեկտը, Ռոն Ալպ շրջանի ղեկավարներ, հինգ հարյուրից
աւելի հանդիսականներ:
ԴԱՍ. ՀԱՅԵՐԵՆ 
Հայերեն
Русский
English
French