ԵՐԵՒԱՆՈՒՄ ՄԵԿՆԱՐԿԵՑ «ԱՐԵՎԵԼՔԻ ՋԱՀ» ՄԻՋԱԶԳԱՅԻՆ 16-ՐԴ
ՓԱՌԱՏՈՆԸ
10-09-2007 18:40:00 | Հայաստան | Մշակոյթ
ԵՐԵՎԱՆ, 10 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 10-ին
Երեւանում մեկնարկեց «Տեսնել Արարատը» խորագրով «Արեւելքի ջահ»
միջազգային 16-րդ փառատոնը: Ինչպէս նշեց փառատոնի նախագահ Հիդեո
Սակատան, հայ արուեստագէտները միշտ էլ աչքի են ընկել իրենց տաղանդով
եւ իւրայատուկ մտածելակերպով, այդ պատճառով էլ ընդունուել է
Հայաստանում փառատոնի անցկացման առաջարկը:
Նշուեց, որ փառատոնը հիմնադրուել է ասիական ծագում ունեցող
արուեստագէտների կողմից: Այն ամէն տարի կազմակերպւում է տարբեր
երկրներում, որպէսզի փառատօնին մասնակցող արուեստագէտները
հաղորդակցվեն տարբեր ազգերի մշակոյթների հետ:
Հայաստանեան փառատոնի համանախագահ Ռազմիկ Հաջիկյանը նշեց, որ
փառատօնին մասնակցում են չորս տասնեակից աւելի նկարիչներ եւ
քանդակագործներ ԱՄՆ-ից, Գերմանիայից, Ֆրանսիայից, Ճապոնիայից,
Թաիլանդից, Հարաւային Կորեայից եւ այլ երկրներից: Փառատոնի
շրջանակներում կբացուեն մի շարք ցուցահանդեսներ, կանցկացուեն կրթական
միջոցառումներ, այդ թւում տեսողութեան խանգարումներ ունեցող
երեխաների Երեւանի թիւ 14 յատուկ դպրոցում կկազմակերպուեն
կավագործության դասընթացներ` հաշմանդամ երեխաների առջեւ բացելով
արհեստագործությամբ զբաղուելու եւ դրանով իսկ հասարակութեանը առաւել
դիւրին ինտեգրուելու հեռանկարներ: