ԱՄՆ-Ի ՆԱԽԱԳԱՀ ՋՈՐՋ ԲՈՒՇԸ ԱՆՍՊԱՍԵԼԻՕՐԷՆ ԺԱՄԱՆԵԼ Է ԻՐԱՔ
03-09-2007 18:25:00 | | Միջազգային
ԲԱՂԴԱԴ, 3 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ի նախագահ Ջորջ
Բուշը սեպտեմբերի 3-ին անակնկալ կերպով ժամանել է Բաղդադ: Այս
մասին հաղորդում է «Ալ Ջազիրա» հեռուստաալիքը:
Բուշի այցելութեան մասին նախօրոք չի յայտարարուել եւ մինչեւ
վերջին պահը դրա հետ կապուած մանրամասները գաղտնի են պահուել:
Այցելութեան ընթացքում ԱՄՆ-ի նախագահին ուղեկցում են պետքարտուղար
Քոնդոլիզա Ռայսը, նախագահի ազգային անվտանգութեան հարցերով օգնական
Սթիւեն Հեդլին եւ պաշտպանութեան նախարար Ռոբերտ Գեյթսը:
Ջորջ Բուշի այցելութեան տեւողութեան եւ ծրագրի մասին առայժմ
ոչինչ չի հաղորդւում: Սա վերջին 4 տարիների ընթացքում Բուշի 3-րդ
այցելութիւնն է Իրաք:
Նշւում է, որ Սպիտակ տան մամլոյ ծառայութիւնը յայտարարել էր,
թէ սեպտեմբերի 3-ին Ջորջ Բուշը վեցօրյա պաշտօնական այցով մեկնելու
է Աուստրալիա, որտեղ հանդիպում է ունենալու երկրի վարչապետ Ջոն
Հովարդի հետ եւ մասնակցելու է Ասիա-Խաղաղօվկիանոսեան տնտեսական
համագործակցութեան գագաթնաժողովին: