ԲՐԱՈՒՆԸ ԵՎ ՍԱՐԿՈԶԻՆ ՄԻԱՍԻՆ ԳՐՈՒՄ ԵՆ ԴԱՐՖՈՒՐԻ ՄԱՍԻՆ
31-08-2007 17:30:00 | Հայաստան | Միջազգային
ԼՈՆԴՈՆ, 31 ՕԳՈՍՏՈՍԻ, ՆՈՅԵԱՆ ՏԱՊԱՆ: Մեծ Բրիտանիայի վարչապետ
Գորդոն Բրաունը եւ Ֆրանսիայի նախագահ Նիկոլա Սարկոզին աշխարհին կոչ
են արել ակտիւ միջոցներ ձեռնարկել Սուդանի արեւմուտքում Դարֆուրի
շրջանում կրակի դադարեցումն ապահովելու ուղղութեամբ: Երկու
առաջնորդները համատեղ յօդուած են գրել, որը միաժամանակ յայտնուել է
Լոնդոնի «Թայմս» եւ փարիզյան «Մոնդ» թերթերի էջերում:
Մէկ ամիս առաջ ՄԱԿ-ի Անվտանգութեան խորհուրդը հաւանութիւն էր
տուել այդ շրջան խաղաղապահներ ուղարկելու մասին բանաձեւին, որտեղ
սեւամորթ ապստամբների եւ «Ջանջավիդ» արաբական աշխարհազօրի զինուած
դիմակայութեան սկզբից ի վեր զոհուել է, ինչպէս ենթադրում են,
առնուազն 200 հազար մարդ եւ 2 միլիոնից աւելին փախստական է դարձել:
ՄԱԿ-ի եւ Աֆրիկեան միութեան համատեղ խաղաղարարական
առաքելութիւնը, ինչպէս գրում են Բրաունը եւ Սարկոզին, պէտք է
Դարֆուրում խաղաղութեան հաստատման սկիզբ դնի, որտեղ, ըստ նրանց,
անհրաժեշտ են համաշխարհային հանրութեան ակտիւ գործողութիւնները
շարունակւող զինուած բախումների դադարեցման ուղղութեամբ: