ԼԻԲԱՆԱՆԵԱՆ «ԿՐԵՎԻՏԲԱՆԿ»-Ը ՄՏԱԴԻՐ Է ԳՈՐԾՈՒՆԷՈՒԹԻՒՆ ԾԱՎԱԼԵԼ
ՀԱՅԱՍՏԱՆՈՒՄ
29-08-2007 23:00:00 | Հայաստան | Տնտեսութիւն
ԵՐԵՎԱՆ, 29 ՕԳՈՍՏՈՍԻ, ՆՈՅԵԱՆ ՏԱՊԱՆ: Հայաստանում
գործունէութիւն ծաւալելու լիբանյանյան «կրեդիտբանկ»-ի
մտադրութիւնը ողջունելի եւ միանգամայն համահունչ ՀՀ կառավարութեան
կողմից վարւող երկրի ֆինանսական շուկայի զարգացման
քաղաքականութեանը: Այս մասին յայտարարել է ՀՀ վարչապետ Սերժ
Սարգսեանն օգոստոսի 29-ին ընդունելով բանկի տնօրէնների խորհրդի
նախագահ Տարեկ Խալիֆային եւ նրա գլխաւորած պատուիրակութեանը: Ըստ ՀՀ
վարչապետի, բանկի փորձը Հայաստանի համար կարող է նաեւ բաւականին
օգտակար լինել, նկատի առնելով, որ Լիբանանը մշտապէս համարուել է
ֆինանսական կենտրոն եւ լուրջ առաջընթաց է ունեցել ֆինանսական
շուկայի զարգացման գործում:
Տ.Խալիֆան, շնորհակալութիւն յայտնելով համագործակցութեան
պատրաստակամութեան համար, նշել է, որ Հայաստանի Կենտրոնական եւ մի
շարք այլ բանկերի գործընկերների հետ հանդիպում-քննարկումներն աւելի
են ամրապնդել Հայաստանում գործունէութիւն ծաւալելու
«կրեդիտբանկ»-ի նպատակադրվածությունը: Նրա դիտարկումներով,
Հայաստանում զարգացման լուրջ հեռանկար ու բարենպաստ միջավայր կայ,
եւ բանկն ուրախ կլինի իր ներդրումն ունենալու Հայաստանի
տնտեսութեան զարգացման գործում: «կրեդիտբանկ»-ի տնօրէնների խորհրդի
նախագահը կարեւորել է ՀՀ կառավարութեան հետ համագործակցութիւնը
նաեւ որոշակի ներդրումային ծրագրերում, որոնք ներառում են
գիւղատնտեսութիւնը, ենթակառուցուածքների զարգացումը,
արդիւնաբերութիւնը:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ կառավարութեան
Տեղեկատուութեան եւ հասարակայնութեան հետ կապերի վարչութիւնից,
Հայաստանեան շուկայում լիբանանեան կապիտալի ներգրաւման գործում
երկուստեք կարեւորվել է լիբանանահայ համայնքի դերը: