ՆԱԽԱՏԵՍՒՈՒՄ Է ՀՆԴԿԱՍՏԱՆՈՒՄ ՀԻՄՆԵԼ ՀԱՅԿԱԿԱՆ ԾԻՐԱՆԻ ԱՅԳԻ
17-08-2007 21:40:00 | | Տնտեսութիւն
ԴԵԼԻ, 17 ՕԳՈՍՏՈՍԻ, ՆՈՅԵԱՆ ՏԱՊԱՆ: Հնդկաստանում ՀՀ դեսպան
Աշոտ Քոչարեանը օգոստոսի 16-ին հանդիպել է Հնդկաստանի
գիւղատնտեսութեան պետնախարար Կանթի Լալ Բհուրիայի հետ:
Հանդիպման ընթացքում քննարկուել են գիւղատնտեսութեան ոլորտում
համագործակցութեան ընդլայնմանն առնչուող հարցեր: Անդրադառնալով
յուլիսին Բհուրիայի Հայաստան կատարած այցի արդիւնքներին,
Ա.Քոչարեանը վերահաստատել է Հնդկաստանում հայկական ծիրանի այգի
հիմնելու ՀՀ կառավարութեան պատրաստակամությումը: Ողջունելով
հայկական կողմի նախաձեռնութիւնը, պետնախարար Բհուրիան տեղեկացրել
է, որ հնդիկ եւ հայ մասնագէտների եզրակացութիւնը ստանալուց յետոյ,
այս առաջարկը անպայման կիրագործուի:
Ըստ ՀՀ ԱԳՆ Մամուլի եւ տեղեկատուութեան վարչութիւնից «ՆՈՅԵԱՆ
ՏԱՊԱՆ»-ին տրամադրած հաղորդագրութեան, զրուցակիցները արծարծել են
նաեւ համագործակցութեան հեռանկարային ուղղութիւնները` կաթնամթերքի
վերամշակում, գիտական համատեղ ուսումնասիրություններ, բոյսերի եւ
տնկիների փոխանակում, մասնագէտների վերապատրաստում:
Պետնախարար Բհարիան նշել է, որ հնդկական կողմը կմասնակցի
հոկտեմբերին Հայաստանում անցկացուելիք «Organic Food» միջազգային
համաժողովի աշխատանքներին: