ՆԱԽԱՆՇՈՒԵԼ ԵՆ ՀԱՅ-ՑԵՅԼՈՆՅԱՆ ՓՈԽՇԱՀԱՎԵՏ ՏՆՏՀԱՄԱԳՈՐԾԱԿՑՈՒԹՅԱՆ
ՈԼՈՐՏՆԵՐԸ
08-08-2007 20:00:00 | | Տնտեսութիւն
ԿՈԼՈՄԲՈ, 8 ՕԳՈՍՏՈՍԻ, ՆՈՅԵԱՆ ՏԱՊԱՆ: Շրի Լանկայում
համատեղութեան կարգով հաւատարմագրուած Հնդկաստանում ՀՀ դեսպան Աշոտ
Քոչարեանը օգոստոսի 1-5-ին աշխատանքային այց է կատարել Կոլոմբո,
որտեղ հանդիպումներ է ունեցել մի շարք նախարարութիւններում եւ
Ցեյլոնի առեւտրատնտեսական պալատում:
Օգոստոսի 1-ին դեսպանն աշխատանքային հանդիպում է ունեցել ԱԳՆ
Եւրոպայի վարչութեան գլխաւոր տնօրէն Ք.Վիջեյռատնեի հետ: Քննարկուել
են երկկողմ համագործակցութեանն առնչուող մանրամասներ: Մասնաւորապէս,
կարեւորվել է իրաւական դաշտի ստեղծման, բարձր մակարդակի, նաեւ
ձեռներեցների փոխայցելությունների անհրաժեշտութիւնը:
Օգոստոսի 2-ին Ա.Քոչարեանը հադիպում է ունեցել առեւտրի,
շուկայական զարգացման ու սպառման հարցերով նախարարի տեղակալ
Ռ.Ռաթնայակեի հետ: Հանդիպման ընթացքում ուրուագծուել են փոխշահավետ
համագործակցութեան հետեւեալ ուղղութիւնները. զբոսաշրջություն,
կրթութիւն, մշակոյթ, տեղեկատուական տեխնոլոգիաներ,
գիւղատնտեսութիւն, ոսկերչութիւն:
Օգոստոսի 3-ին Ցեյլոնի առեւտրատնտեսական պալատում
կազմակերպուած կլոր սեղանի ընթացքում Ա.Քոչարեանը հանդէս է եկել
Հայաստանին նուիրուած ելոյթով: Դեսպանը անդրադարձել է Հայաստանի
արտաքին քաղաքականութեան առաջնայնութիւններին, քաղաքական եւ
տնտեսական զարգացումներին, կառավարութեան ներդրումային
քաղաքականութեանը, բարենպաստ օրենսդրական դաշտին: Պալատի նախագահ
Մահեն Դայանանդան դեսպանին է փոխանցել 2008թ.-ի փետրուարին
Կոլոմբոյում կայանալիք IMEXPRO 2008 (Import Լ Export Promotion
Fair) միջոցառմանը մասնակցելու պաշտօնական հրաւէրը:
Օգոստոսի 4-ին եւ 5-ին Հայաստանի դեսպանը հանդիպել է
ձեռներեցների, նաեւ Շրի Լանկայի առեւտրատնտեսական խրախուսման
հարցերով զբաղուող կառոյցների ղեկավարների հետ: Քննարկուել են
հնարաւոր գործակցութեան հեռանկարային ուղղութիւններին վերաբերող
հարցեր: