ԵՐԵՒԱՆԻ «ԱՐԱՐԱՏԸ» ԳԼԽԱՒՈՐՈՒՄ Է ՀԱՅԱՍՏԱՆԻ ՖՈՒՏԲՈԼԻ
ԲԱՐՁՐԱԳՈՅՆ ԽՄԲԻ ԱՌԱՋՆՈՒԹԵԱՆ ՄՐՑԱՇԱՐԱՅԻՆ ԱՂԻՒՍԱԿԸ
27-07-2007 13:24:00 | Հայաստան | Սպորտ
ԵՐԵՎԱՆ, 27 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 26-ին Երեւանի
«Նաիրի» մարզադաշտում տեղի ունեցաւ Հայաստանի ֆուտբոլի բարձրագոյն
խմբի առաջնութեան 12-րդ փուլի հետաձգված «Արարատ» - «Բանանց»
հանդիպումը, որն աւարտուեց 2-1: Խաղի հաշիւը բացեց «Բանանցի»
յարձակւող Արսէն Բալաբեկյանը (30 րոպե): 3 րոպե անց «Արարատի»
յարձակւող, բրազիլացի Մարկոսը նախ հաւասարեցրեց հաշիւը (11
մետրանոց տուգանայինով), ապա խփեց 2-րդ գոլը (66 րոպե): Սա
«Արարատի» նոր գլխաւոր մարզիչ, սերբ Դուշան Միյիչի ղեկավարութեամբ
թիմի առաջին յաղթանակն է:
Երեւանի «Արարատը» 32 միաւորով գլխաւորեց մրցաշարային
աղիւսակը: «Փյունիկն» ունի 31, «Միկան» եւ «Բանանցը» 24-ական
միաւոր:
Բարձրագոյն խմբի առաջնութիւնում մինչեւ օգոստոսի 5-ը
ընդմիջում է յայտարարուած: