ՍԿԱՆԴԱԼ ՊԵՆՏԱԳՈՆՈՒՄ. ԿԱՇԱՌԱԿԵՐՈՒԹԵԱՆ ՀԱՄԱՐ ՁԵՐԲԱԿԱԼՈՒԵԼ Է
ՌԱԶՄԱԿԱՆ ԳԵՐԱՏԵՍՉՈՒԹԵԱՆ ԱՇԽԱՏԱԿԻՑՆԵՐԻՑ ՄԷԿԸ
26-07-2007 17:50:00 | ԱՄՆ | Միջազգային
ՎԱՇԻՆԳՏՈՆ, 26 ՅՈՒԼԻՍԻ, ՆՈՅԵԱՆ ՏԱՊԱՆ: Կաշառակերութեան համար
ձերբակալուել է Պենտագոնի աշխատակիցներից մայոր Ջոն Կոկերհեմը:
Վերջինս 2005թ. գործարարներից կաշառք է վերցրել Իրաքի եւ Քուվեյթի
հետ կապուած պայմանագրեր կնքելու ժամանակ:
Ըստ տեղեկութիւնների, 2 տարուայ ընթացքում Կոկերհեմը որպէս
կաշառք ստացել է շուրջ 10 մլն դոլար, իսկ 5 մլն դոլար էլ վերջինս
պէտք է ստանար մօտ ժամանակներում: Այս գործի կապակցութեամբ
ձերբակալուել են նաեւ սպայի կինը եւ քույրը, որոնք ստացել են այդ
գումարները` փոխանցելով դրանք բանկային հաշվեհամարներին:
Գործի կապակցութեամբ հետաքննութիւնը շարունակւում է:
Ենթադրւում է, որ Պենտագոնում սպասւում են նոր ձերբակալութիւններ: