ՀԱՅԱՍՏԱՆԻ 6 ԸՄԲԻՇՆԵՐ ԴԱՐՁԱՆ ՄԱՐԻՈՒՊՈԼԻ ՄԻՋԱԶԳԱՅԻՆ ՄՐՑԱՇԱՐԻ
ՄՐՑԱՆԱԿԱԿԻՐՆԵՐ
12-07-2007 14:30:00 | | Սպորտ
ՄԱՐԻՈՒՊՈԼ, 12 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 7-9-ին
Ուկրաինայի Մարիուպոլ քաղաքում անցկացուեց հունահռոմեական
ըմբշամարտի միջազգային խոշոր մրցաշար, որին մասնակցեցին 19
երկրների ներկայացուցիչներ: Հայաստանից մրցագորգ ելան 12
մարզիկներ, որոնցիտց յաղթող ճանաչուեցին Արման Ադիկյանը (66 կգ,
Էջմիածին), եւ Արսէն Ջուլֆալակեանը (74 կգ, Երեւան): 2-րդ տեղը
գրաւեց Դենիս Ֆորովը (84 կգ, Երեւան), իսկ պատուանդանի 3-րդ
աստիճանին կանգնեցին Խոսրով Մելիքեանը (60 կգ), Արման Գեղամեանը
(96 կգ, 2-ն էլ Գիւմրի) եւ Աշոտ Խաչատրեանը (55 կգ, Երեւան):
Հայաստանի հունահռոմեական ոճի ըմբշամարտի հաւաքականի 10
անդամներ կմասնակցեն օլիմպիական չեմպիոն Գիվի Կարտոզիայի
Թբիլիսիում յուլիսի 13-15-ին անցկացուելիք միջազգային աւանդական
յուշամրցաշարին: