ՀՐԱՊԱՐԱԿՈՒԵԼ Է «ԱՇԽԱՐՀԻ ԵՕԹ ՀՐԱՇԱԼԻՔՆԵՐԻ» ՆՈՐ ՑՈՒՑԱԿԸ
09-07-2007 17:00:00 | | Միջազգային
ԼԻՍԱԲՕՆ, 9 ՅՈՒԼԻՍԻ, ՆՈՅԵԱՆ ՏԱՊԱՆ: Պորտուգալիայի մայրաքաղաք
Լիսաբոնում հրապարակուել է «Աշխարհի 7 հրաշալիքների» նոր ցուցակը,
որի մէջ նախկին հրաշալիքներից եւ ոչ մէկը տեղ չի զբաղեցրել:
3-րդ հազարամյակի 7 հրաշալիքների ընտրութիւնը տեղի է ունեցել
հեռախօսային եւ ինտերնետային քուէարկութեան միջոցով, որին մասնակցել
է շուրջ 100 միլիոն մարդ:
Պաշտօնապէս «Աշխարհի 7 հրաշալիքներ» են ճանաչուել Չինական մեծ
պարիսպը, Յորդանանում գտնուող Պետրոսի ժայռափոր համալիրը,
բրազիլական Ռիո դե Ժանեյրո քաղաքի Յիսուսի հսկայական արձանը,
ինկերի Մաչու-Պիկչու քաղաքը Պերուում, մայաների Չիչեն-Իտցա բուրգը
մեքսիկական Յուկատան թերակղզում, հռոմեական Կոլիզեյն ու հնդկական
Թաջ-Մահալը: