ԲՐԻՒՍԷԼ, 26 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 26-ին Եւրամիութիւնը եւ Թուրքիան Բրիւսէլում սկսել են բանակցութիւնների պաշտօնական փուլը Թուրքիայի ինտեգրացիոն դոսիեի երկու գլուխներով: Այս մասին հաղորդում է թուրքական մամուլը: Եւրոպական պատուիրակութիւնը գլխաւորում են ԵՄ-ում ժամանակաւոր նախագահող Գերմանիայի ԱԳ նախարար Ֆրանկ Վալտեր Շտայնմայերը: Թուրքական պատուիրակութիւնը ներկայացնում է պետնախարար, ԵՄ գործերով գլխաւոր բանակցող Ալի Բաբաջանը: Բանակցային գործընթացը սկսուել է «Վիճակագրութիւն» եւ «Ֆինանսական վերահսկում» գլուխներով: Բանակցութիւնների նախօրէին Ֆրանսիան դէմ էր հանդէս եկել Թուրքիայի հետ բանակցութիւնները 3 գլուխներով սկսելու առաջարկին եւ վետօ դրել դրանցից մէկի` «Տնտեսական եւ ֆինանսական քաղաքականութեան» վրայ: Թուրքիայի հետ բանակցութիւնները 3-ի փոխարէն 2 գլուխներով սկսելու կապակցութեամբ դժգոհութիւն է արտայայտել Ալի Բաբաջանը եւ հոյս յայտնել, որ «Պորտուգալիայի նախագահութեան ժամանակ ԵՄ-ում այդ հարցի կապակցութեամբ կգրանցուի առաջընթաց»:

---