ԸՍՏ ԳԵՐՄԱՆԱԿԱՆ ՀԵՏԱԽՈՒԶՈՒԹԵԱՆ, ԻՐԱՆԸ ՊԱՏՐԱՍՏՒՈՒՄ Է ՍՏԵՂԾԵԼ
ԶԱՆԳՎԱԾԱՅԻՆ ԲՆԱՋՆՋՄԱՆ ԶԷՆՔ
18-06-2007 22:05:00 | | Միջազգային
ԲԵՌԼԻՆ, 18 ՅՈՒՆԻՍԻ, ՆՈՅԵԱՆ ՏԱՊԱՆ: Իրանը աշխատում է
զանգվածային բնաջնջման զէնք եւ դրա փոխադրման միջոցներ ստեղծելու
ուղղութեամբ: Այս մասին գերմանական «Բեռլիներ Ցայտունգ ամ զոնտագ»
թերթին տուած հարցազրոյցում յայտարարել է գերմանական
հետախուզութեան ղեկավար Էրնստ Ուրլաուն:
Ուրլաուն նշել է, որ իրենք ունեն այնպիսի տեղեկութիւններ,
ըստ որոնց, Իրանը միջոցներ է ձեռնարկում իր միջուկային ծրագրի
իրականացման համար, որն էլ ուղղուած է միջուկային զէնք ստեղծելուն:
Իսկ դրան, ըստ գերմանական հետախուզութեան ղեկավարի, Իրանը կարող է
հասնել մի քանի տարուայ ընթացքում: