ԱՄԵՐԻԿԱՑԻ ԴԻՐԻԺՈՐԸ ԿՂԵԿԱՎԱՐԻ ՀԱՅԱՍՏԱՆԻ ՊԵՏԱԿԱՆ ՖԻԼՀԱՐՄՈՆԻԿ
ԵՎ «ՍԵՐԵՆԱԴ» ՆՈՒԱԳԱԽՄԲԵՐԻ ՀԱՄԵՐԳՆԵՐԸ
16-06-2007 16:26:00 | Հայաստան | Մշակոյթ
ԵՐԵՎԱՆ, 14 ՅՈՒՆԻՍԻ, ՆՈՅԵԱՆ ՏԱՊԱՆ: Ամերիկացի անուանի դիրիժոր
Ալեքսանդր Տրեգերը կղեկավարի յունիսի 15-ին «Արամ Խաչատրեանի»
համերգասրահում կայանալիք «Սերենադ» կամերային նուագախմբի, իսկ
յունիսի 22-ին` Հայաստանի պետական ֆիլհարմոնիկ նուագախմբի
համերգները: Համերգներին կմասնակցեն նաեւ ֆրանսահայ դաշնակահար
Վահան Մարտիրոսեանը եւ ջութակահարուհի Անուշ Նիկողոսեանը:
«Չորս տարի անընդմէջ ես գալիս եմ Հայաստան եւ համերգներով
ներկայանում հայ հանդիսատեսին: Ամէն համերգ Հայաստանում մեծ տոն է
ինձ համար, քանզի Ֆիլհարմոնիկ նուագախումբը չի զիջում աշխարհի
լաւագոյն նուագախմբերին եւ առանձնանում է իր բացառիկ
երաժշտականությամբ: Ես մեծ յաճոյք եմ ստանում ֆիլհարմոնիկի հետ
աշխատելուց»,- յունիսի 14-ի ասուլիսում յայտնեց Ա.Տրեգերը:
Դիրիժորը ներկայումս ղեկավարում է «American Youth Symphony»
նուագախումբը, ինչպէս նաեւ համագործակցում է աշխարհի լաւագոյն
նուագախմբերի հետ: