ՄԱԴՐԻԴ, 1 ՅՈՒՆԻՍԻ, ՆՈՅԵԱՆ ՏԱՊԱՆ: Իրանի Ազգային անվտանգութեան գերագոյն խորհրդի քարտուղար Ալի Լարիջանին եւ ԵՄ արտաքին քաղաքականութեան եւ անվտանգութեան հարցերով գերագոյն ներկայացուցիչ Խավիեր Սոլանան հանդիպել են մայիսի 31-ին Մադրիդում: Իսլամական Հանրապետութեան եւ ԵՄ ներկայացուցիչների միջեւ ձեռք պայմանաւորուածութիւն է ձեռք բերուել` շարունակել Իրանի միջուկային խնդրի հետ կապուած երկխօսութիւնը. «Մեր բանակցութիւնների ժամանակ, որոնք կշարունակուեն նաեւ երկու շաբաթ յետոյ, նկատուել են տեղաշարժեր մի քանի կարեւոր ուղղութիւններով: Ամենակարեւորն այն է, որ մենք շարունակելու ենք աշխատել»,- յայտարարել է Խավիեր Սոլանան: Ըստ տեղեկութիւնների` յաջորդ շաբաթ բանակցող կողմերի օգնականները կհամաձայնեցնեն յաջորդ հանդիպման մանրամասները: Այն հաւանաբար կկայանայ երկու շաբաթ անց:

---