ԲԱՂԴԱԴ, 1 ՅՈՒՆԻՍԻ, ՆՈՅԵԱՆ ՏԱՊԱՆ: Մայիսի 31-ին Բաղդադում
սպանուել է «Associated Press»-ի հեռուստալուրերի (APTN) իրաքեան
աշխատակիցը: Գործակալութիւնում 2004 թուականից աշխատող օպերատոր
Սեիֆ Մ. Ֆահրին սպանուել է իր տնից ոչ հեռու` մզկիթ գնալու
ճանապարհին:
Նրա վրայ յարձակում գործած անձի կամ անձանց մասին որեւէ
տեղեկություն չի հաղորդւում:
26-ամեայ օպերատորը նախքան AP-ում աշխատելը, համագործակցել է
Դուբայի հեռուստաընկերութեան, Al Majd-TV-ի եւ CNBC-ի հետ:
Լրագրողների պաշտպանութեան ամերիկեան կոմիտէի
տեղեկութիւնների համաձայն, ԱՄՆ-ի` Իրաքում ռազմական
գործողութիւններ իրականացնելու օրուանից ի վեր (2003թ.), այդ
երկրում զոհուել է 104 լրագրող եւ ԶԼՄ-ի 39 աշխատակից, որոնց մեծ
մասը իրաքցիներ են: Սեիֆ Ֆահրին «Associated Press»-ի` Իրաքում
սպանուած արդէն 5-րդ աշխատակիցն է: