ԳԱԶԱ, 29 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 28-ի գիշերը իսրայելական օդուժը դարձեալ ռմբակոծել է Գազայի հատուածը: Այս անգամ ռմբակոծութեան թիրախ է դարձել, ինչպէս պնդում է իսրայելական կողմը, Բեյթ Հանունում գտնուող ՀԱՄԱՍ շարժմանը պատկանող շինություններից մէկը: Ըստ պաղեստինեան կողմի, կան 10 վիրաւորներ: Տեղեկութիւնների համաձայն` ՀԱՄԱՍ շարժման երկու ակտիւիստներ սպանուել են Գազայի հատուածի հարաւում գտնուող Սուֆայի հսկիչ-անցագրային կէտի մօտ իսրայելական զինվորների պաղեստինեան գրոհայինների միջեւ տեղի ունեցած փոխհրաձգության ժամանակ: Նշենք, որ մայիսի 16-ից ի վեր Իսրայելը շարունակում է ռմբակոծել Գազայի հատուածը` ի պատասխան պաղեստինեան գրոհայինների կողմից իսրայելական Ստերոդ քաղաքի հրթիռակոծութեան: Իսրայելական օդուժի ռմբակոծութիւնների հետեւանքով զոհուել է 48 եւ վիրաւորուել 170 մարդ: Զոհերի թւում կան 10 խաղաղ բնակիչներ: Գրոհայինների հրթիռակոծությունների հետեւանքով զոհուել են Ստերոդ քաղաքի 2 բնակիչ:

---