ԲԵՅՐՈՒԹ, 24 ՄԱՅԻՍԻ, ՆՈՅԵԱՆ ՏԱՊԱՆ: Վերջին 4 օրերի ընթացքում
Լիբանանում տեղի է ունեցել 3-րդ ահաբեկչական գործողութիւնը:
Բեյրութի հիւսիսում գտնուող Ալեյ քաղաքի կենտրոնական փողոցներից
մէկում չորեքշաբթի օրը պայթել է պայուսակի մէջ տեղադրուած ռումբը,
ինչի հետեւանքով վիրաւորուել է աւելի քան 5 մարդ:
Յիշեցնենք, որ կիրակի եւ երկուշաբթի օրերին ահաբեկիչների
թիրախ էին դարձել Բեյրութի քրիստոնյաներով եւ սուննի
մահմեդականներով բնակեցուած թաղամասերը: Պայթիւնների
պատասխանատւութիւնը ստանձնել էր «Իսլամական Ֆաթհ» խմբավորումը եւ
յայտարարել, որ այդ պայթիւնները հնչել են` ի պատասխան լիբանանեան
բանակի կողմից երկրի հիւսիսային շրջանում Նահր ալ-Բարիդի
պաղեստինեան փախստականների ճամբարում իսլամիստների դիրքերի
գնդակոծման:
Մայիսի 23-ին Լիբանանի պաշտպանութեան նախարարը Նահր
ալ-Բարիդում շրջափակուած ահաբեկիչներին առաջարկել է յանձնուել`
զգուշացնելով, որ հակառակ դէպքում նրանք կոչնչացուեն: Հումանիտար
կազմակերպութիւնների իրականացրած հաշուարկի համաձայն` պաղեստինեան
փախստականների ճամբարը վերջին օրերի ընթացքում լքել է մօտ 15 հազար
մարդ: