ԵՐԵՎԱՆ, 24 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 24-ի Կալմիկիայի
մայրաքաղաք Էլիստա մեկնեցին գրոսմայստեր Լեւոն Արոնեանը եւ նրա
մարտավկայ Գաբրիէլ Սարգսեանը:
Մայիսի 26-ին Էլիստայում տեղի կունենայ աշխարհի շախմատի
առաջնութեան հաւակնորդների 8 զույգերի մրցամարտերի բացման
հանդիսաւոր արարողութիւնը:
Լեւոն Արոնեանի մրցակիցը կլինի Մագնուս Կառլսենը (Նորվեգիա):
Միւս 7 զույգերն են` Ալեքսեյ Շիրով (Իսպանիա) - Մայքլ Ադամս
(Անգլիա), Պետեր Լեկո (Հունգարիա) - Միխայիլ Գուրեւիչ (Թուրքիա),
Հուդիթ Պոլգար (Հունգարիա) - Եվգենի Բարեեւ (Ռուսաստան), Ռուսլան
Պոնոմարյով (Ուկրաինա) - Սերգեյ Ռուբլեւսկի (Ռուսաստան), Ալեքսանդր
Գրիշչուկ (Ռուսաստան) - Վլադիմիր Մալախով (Ռուսաստան), Բորիս
Գելֆանդ (Իսրայել) - Ռուստամ Կասիմջանով (Ուզբեկստան), Էթիեն Բաքրո
(Ֆրանսիա) - Գատա Կամսկի (ԱՄՆ):
Մրցամարտերից իւրաքանչիւրում կխաղարկուի 6-ական պարտիա
(մայիսի 27, 28, 29, 31 եւ յունիսի 1, 2): Հաւասար` 3:3, հաշուի
դէպքում կնշանակվեն արագ շախմատի, իսկ անհրաժեշտութեան դէպքում
նաեւ` կայծակնային խաղի լրացուցիչ հանդիպումներ: Լ.Արոնեանը
յաջողութեան հասնելու պարագայում կմրցի Շիրով - Ադամս զույգի
յաղթողի հետ:
Մրցաշարի 2-րդ փուլի 4 մրցամարտերը նշանակուած են յունիսի
6-13-ը:
Մրցաշարի գլխաւոր մրցավարն է միջազգային կարգի մրցավար Անջեյ
Ֆիլիպովիչը (Լեհաստան): Մրցամարտերից իւրաքանչիւրի համար
սահմանուած մրցանակային հիմնադրամը 40 հազար ԱՄՆ դոլար է: