ՇԱԽՄԱՏԻ ՄԻՋԱԶԳԱՅԻՆ ՊԱՏԱՆԵԿԱՆ ՄՐՑԱՇԱՐՈՒՄ ԶԱՒԷՆ ԱՆԴՐԻԱՍԵԱՆԸ 4
ՄԻԱՒՈՐՈՎ ԱՌԱՋԱՏԱՐՆԵՐԻ ԽՄԲՈՒՄ Է
21-05-2007 20:00:00 | Ռուսաստան | Սպորտ
ԿԻՐԻՇԻ, 21 ՄԱՅԻՍԻ, ՆՈՅԵԱՆ ՏԱՊԱՆ: Լենինգրադի մարզի Կիրիշի
քաղաքում անցկացուող «Աշխարհի պատանի աստղեր» շախմատի միջազգային
մրցաշարում մայիսի 20-ին կայացան 5-րդ փուլի հանդիպումները:
Հայաստանի ներկայացուցիչներից Զաւէն Անդրիասեանը ոչ-ոքի խաղաց Նեգի
Պատիմարիայի (Հնդկաստան) հետ, իսկ Աւետիք Գրիգորեանը յաղթեց
Էդուարդ Գորովիխին (Ռուսաստան):
5 փուլից յետոյ Զ.Անդրիասեանը եւ Նեգի Պատիմարիան վաստակել են
4-ական միաւոր եւ գլխաւորում են մրցաշարային աղիւսակը:
Ա.Գրիգորեանը 3 միաւորով 4-րդ տեղում է: