ՀԱՅԱՍՏԱՆԻ ԼՈՂԻ ԱՌԱՋՆՈՒԹԻՒՆՈՒՄ ԳՐԱՆՑՈՒԵԼ Է ՀԱՆՐԱՊԵՏԱԿԱՆ 5
ՆՈՐ ՌԵԿՈՐԴ
14-05-2007 18:24:00 | Հայաստան | Սպորտ
ԵՐԵՎԱՆ, 14 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 9-11-ին Երեւանի
Դավիթ Համբարձումեանի անուան ջրային մարզաձեւերի մասնագիտացուած
մարզադպրոցում անցկացուած Հայաստանի լողի առաջնութեանը մասնակցում
էին 8 թիմերի 110 լողորդներ: Առաջնութիւնում գրանցուեց
հանրապետական 5 նոր ռեկորդ, իսկ 8 մրցաձեւում` սպորտի վարպետի
համար սահմանուած ցուցանիշից բարձր արդիւնք:
16-ամեայ Խաչիկ Փլավչյանը (Էջմիածին), որը յաղթող ճանաչուեց
թիկնալողում 50 մ, 100 մ եւ 200 մ մրցատարածությունում, բացի այդ
100 մ մրցատարածությունում սահմանեց հանրապետական ռեկորդ` 1 րոպե
00,90 վրկ: Իսկ «դելֆին» լողաոճում 50 մ, 100 մ, եւ 200 մ
մրցատարածությունում առաջին տեղը գրաւած Ֆիզկուլտուրայի ինստիտուտի
ուսանող Գուրգէն Չավուշյանը հանրապետական ռեկորդ սահմանեց 100 մ
մրցատարածությունում` 59,47 վրկ:
Հայաստանի ազգային հաւաքականը հանրապետական 3 նոր ռեկորդ
սահմանեց 4x50 մ` ազատ, 4x100 մ` ազատ, եւ 4x100 մ` համալիր
փոխանցալողերում:
Լողի հանրապետական ֆեդերացիայի նախագահ Իգոր Սաֆարեանը
«ՆՈՅԵԱՆ ՏԱՊԱՆ»-ի թղթակցի հետ զրոյցի ժամանակ առանձնացրեց
թիկնալողում 50 մ, 100 մ եւ 200 մ մրցատարածությունում յաղթող
ճանաչուած 12-ամեայ Անահիտ Բարսեղեանին, ինչպէս նաեւ Միքայէլ
Քոլոյանին, որը լաւագոյնն էր ազատ լողաոճում 100 մ, 200 մ, 400 մ
եւ համալիր լողում 200 մ մրցատարածություններում: Երկուսն էլ
ներկայացնում են Երեւանի «Նեպտուն» մարզական ակումբը:
«Բրաս» լողաոճում 100 մ եւ 200 մ մրցատարածությունում
Հայաստանի չեմպիոն դարձաւ Ալեքսանդր Ալիսյանը:
«Բրաս» լողաոճում 50 մ մրցատարածությունում չեմպիոնի կոչումը
Արամ Նազարեանը: Յիշեցնենք, որ վերջինս Աուստրալիայում անցկացուած
2007թ.-ի աշխարհի առաջնութիւնից յետոյ Հայաստանի հաւաքականի հետ
չվերադարձաւ Երեւան, եւ ԶԼՄ-ները շտապեցին յայտնել, որ նա փախել է
եւ ստացել Աուստրալիայի քաղաքացիություն: Բայց լողորդը 2 շաբաթ անց
վերադարձավ Երեւան, շարունակեց մարզվել եւ մասնակցեց Հայաստանի
առաջնութեանը:
Նշենք, որ 1988թ.-ի երկրաշարժից յետոյ առաջին անգամ Հայաստանի
առաջնութեանը 11 լողորդ էր ներկայացրել Գիւմրին: Նրանցից Արուսեակ
Այվազեանը ազատ լողաոճով 200 մ եւ 400 մ մրցատարածություններում
դարձաւ, համապատասխանաբար, 2-րդ եւ 3-րդ մրցանակակիր: