ԱՐՈՆԵԱՆ-ԿՐԱՄՆԻԿ ԱՐԱԳ ՇԱԽՄԱՏԻ ԵՐԵՎԱՆՅԱՆ ՄՐՑԱՄԱՐՏԸ ԱՒԱՐՏՈՒԵՑ
ՀԱՅ ԳՐՈՍՄԱՅՍՏԵՐԻ ՅԱՂԹԱՆԱԿՈՎ
07-05-2007 19:00:00 | Հայաստան | Սպորտ
ԵՐԵՎԱՆ, 7 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 6-ին Երեւանում
աւարտուեց Լեւոն Արոնեան - Վլադիմիր Կրամնիկ արագ շախմատի
մրցամարտը, որ 4:2 հաշւով շահեց հայ գրոսմայստերը:
Ալ.Սպենդիարեանի անուան օպերայի եւ բալետի պետական ակադեմիական
թատրոնում մրցամարտի վերջին` 6-րդ, պարտիայի ընթացքին հետեւում էին
նաեւ ՀՀ նախագահ Ռոբերտ Քոչարեանը եւ Հայաստանի շախմատի
ֆեդերացիայի նախագահ, ՀՀ վարչապետ Սերժ Սարգսեանը:
Մրցամարտի աւարտին յաջորդած ասուլիսում Վ.Կրամնիկը նշեց, որ
Լ.Արոնեանը հիանալի մարզավիճակում է գտնւում եւ գերազանց խաղ ցոյց
տվեց պարտիաների վերջնամասում: Իսկ Լ.Արոնեանը շնորհակալութիւն
յայտնեց իր մրցակցին` վարպետ խաղի համար, եւ իրեն աջակցած բոլոր
մարզասէրներին: