ՀԱՅԱՍՏԱՆԻ ԱՌԱՋՆՈՒԹԻՒՆՈՒՄ ՀՐԱՁԻԳՆԵՐԻ ՑՈՅՑ ՏՈՒԱԾ
ԱՐԴԻՒՆՔՆԵՐԸ ԲԱՐՁՐ ԵՆ ԵՎ ՅՈՒՍԱԴՐՈՂ
16-04-2007 15:44:00 | Հայաստան | Սպորտ
ԵՐԵՎԱՆ, 16 ԱՊՐԻԼԻ, ՆՈՅԵԱՆ ՏԱՊԱՆ: Ապրիլի 15-ին Երեւանում
աւարտուեց գնդակային հրաձգութեան Հայաստանի առաջնութիւնը, որին
մասնակցեցին 83 մարզիկ-մարզուհիներ:
Ատրճանակ զենքաձեւում կանանց մրցաշարում սպորտի վարպետի
արդիւնքով (377 միաւոր) յաղթեց Նորա Նիկողոսեանը: Տղամարդկանց
պայքարում առաջինը ճանաչուեց Նորայր Բախտամեանը (591 միաւոր):
Յաջորդ 2 տեղերը զբաղեցրին Ն.Բախտամյանի սաները` Ռոմիկ Բարդումյանը
(575) եւ Նորայր Առաքելեանը (567):
Հրացան զենքաձեւում հանրապետական նոր ռեկորդով (395 միաւոր)
չեմպիոնուհի դարձաւ Անի Առաքելեանը: Տղամարդկանցից սպորտի վարպետի
նորմայով լաւագոյնը օլիմպիական չեմպիոն Հրաչեա Պետիկեանի որդի
Վահէ Պետիկյանն էր` 582 միաւոր:
Առաջատարները կնախապատրաստուեն Բանգկոկում մայիսի 3-12-ին
անցկացուելիք աշխարհի գաւաթի խաղարկութեան փուլին: Հայաստանի
հաւաքականի գլխաւոր մարզիչ Սեյրան նիկողոսեանը «ՆՈՅԵԱՆ ՏԱՊԱՆ»-ի
թղթակցի հետ զրոյցում նշեց, որ Հայաստանի առաջնութիւնում
հրաձիգների ցոյց տուած արդիւնքները բաւականին բարձր են եւ
յուսադրող: