ՀՀ ԲԱՆԿԵՐՈՒՄ ԲՆԱԿՉՈՒԹԻՒՆԻՑ ՆԵՐԳՐԱՒՈՒԱԾ ԱՒԱՆԴՆԵՐԻ ՄՆԱՑՈՐԴԸ
ՄԷԿ ՏԱՐՈՒՄ 24,2%-ՈՎ ԱՃԵԼ Է
05-04-2007 22:00:00 | Հայաստան | Տնտեսութիւն
ԵՐԵՎԱՆ, 5 ԱՊՐԻԼԻ, ՆՈՅԵԱՆ ՏԱՊԱՆ: ՀՀ Կենտրոնական բանկի
նախնական տուեալներով, փողի բազան 2007թ.-ի փետրուարի 28-ի դրութեամբ
կազմել է 258 մլրդ 404 մլն դրամ (մօտ 710,9 մլն ԱՄՆ դոլար) եւ
նախորդ ամսուայ համեմատ աճել 3 մլրդ 472 մլն դրամով, կամ 1,4 %-ով:
2007թ.-ի փետրուարի 28-ի դրութեամբ փողի զանգվածը կազմել է 469
մլրդ 654 մլն դրամ եւ նախորդ ամսուայ նկատմամբ աճել 9 մլրդ 670 մլն
դրամով, կամ 2,1 %-ով:
Բանկերում բնակչութիւնից ներգրաւուած աւանդների մնացորդը
2007թ.-ի փետրուարի 28-ի դրութեամբ կազմել է 126 մլրդ 103 մլն դրամ
եւ նախորդ ամսուայ նկատմամբ աճել 4 մլրդ 182 մլն դրամով, կամ
3,4%-ով, իսկ նախորդ տարուայ նոյն օրուայ նկատմամբ` 24 մլրդ 531 մլն
դրամով, կամ 24,2%-ով: