ՄԵԿՆԱՐԿԵՑ ՀԱՅԱՍՏԱՆԻ ՈՒՍԱՆՈՂԱԿԱՆ ՄԱՐԶԱԿԱՆ 8-ՐԴ ԽԱՂԵՐԻ
ԵԶՐԱՓԱԿԻՉԸ
02-04-2007 19:30:00 | Հայաստան | Սպորտ
ԵՐԵՎԱՆ, 2 ԱՊՐԻԼԻ, ՆՈՅԵԱՆ ՏԱՊԱՆ: Մարտի 30-ին Երեւանի
«Սպարտակ» մարզադաշտում տեղի ունեցաւ Հայաստանի ուսանողական
մարզական 8-րդ խաղերի եզրափակիչ փուլի բացման հանդիսաւոր
արարողութիւնը: Խաղերին ծրագրում ընդգրկուած է 9 մարզաձեւ
(կրոսավազք, սեղանի թենիս, շախմատ, բասկետբոլ, վոլեյբոլ, ֆուտզալ,
հանդբոլ):
Ուսանողական մարզական հանրապետական ֆեդերացիայի փոխնախագահ,
ֆիզկուլտուրայի եւ սպորտի վաստակաւոր գործիչ Ռազմիկ Ստեփանեանը
«ՆՈՅԵԱՆ ՏԱՊԱՆ»-ի թղթակցին յայտնեց, որ թէեւ եզրափակիչ են մտել 13
պետական եւ մասնաւոր բուհերի ներկայացուցիչներ, բայց մրցումները
բաց են բոլոր բուհերի սովորողների համար: Մրցումներն անցկացւում են
շաբաթ եւ կիրակի օրերին: Ուսանողական մարզական 8-րդ խաղերը
եզրագիծը կհատեն մայիսի 6-ին: