ԱՇԽԱՏԱՆՔԻ ՄԻՋԱԶԳԱՅԻՆ ԿԱԶՄԱԿԵՐՊՈՒԹԵԱՆ ԱՋԱԿՑՈՒԹԵԱՄԲ
ՀԱՅԱՍՏԱՆՈՒՄ ԿԻՐԱԿԱՆԱՑՈՒԻ «ԱՐԺԱՆԱՊԱՏԻՎ ԱՇԽԱՏԱՆՔ» ԵՐԿԱՄՅԱ ԾՐԱԳԻՐԸ
27-03-2007 21:40:00 | Հայաստան | Հասարակութիւն
ԵՐԵՎԱՆ, 27 ՄԱՐՏԻ, ՆՈՅԵԱՆ ՏԱՊԱՆ: Աշխատանքի միջազգային
կազմակերպութիւնը (ԱՄԿ) եւ Հայաստանում կազմակերպութեան
գործընկերներ ՀՀ կառավարութեան, Հայաստանի Արհմիութիւնների
կոնֆեդերացիայի, Հայաստանի Արդիւնաբերողների եւ գործարարների
(գործատուների) միութիւնը կիրականացնեն «Արժանապատիվ աշխատանք»
երկամյա ծրագիրը:
Ինչպէս յայտնեցին ԱՄԿ-ից, ծրագրի գերակայութիւններից է
զբաղվածության քաղաքականութեան կատարելագործումը (թէեւ ՀՆԱ աճը
2006թ.-ին կազմել է 13,4%, հանրապետութիւնում գրանցուած
գործազրկութեան մակարդակը բարձր է` 8,2%), աջակցութիւնը կրթական
համակարգի եւ աշխատաշուկայի կապերի ամրապնդմանը: Բացի այդ, ԱՄԿ-ն
տեխնիկական խորհրդատւութիւն եւ կարողութիւնների զարգացմանն
ուղղուած միջոցառումներ կիրականացնի արտագնայ աշխատողների աշխատանքի
ընդունման, աշխատողների իրաւունքների պաշտպանութեան հարցերը
կարգաւորող օրէնսդրութեան կատարելագործման եւ գործնական կիրարկման
ոլորտներում:
Ծրագրով նախանշուող մէկ այլ գերակայութիւնն է սոցիալական
գործընկերութեան ամրապնդումը, մասնաւորապէս, ճիւղային եւ
ձեռնարկութիւնների մակարդակով կոլեկտիւ աշխատանքնային
պայմանագրերի կնքման, կառավարութեան, գործատուների եւ աշխատողների
կողմից դրանց դրոյթների իրականացմանն առնչուող օրենսդրական դաշտի
կատարելագործումը: