ՖՈՒՏԲՈԼԻ ՀԱՅԱՍՏԱՆԻ ԵՐԻՏԱՍԱՐԴԱԿԱՆ ՀԱՒԱՔԱԿԱՆՆ ԸՆԴԳՐԿՈՒԱԾ Է
ԵՎՐՈՊԱՆՅԻ ԱՌԱՋՆՈՒԹԵԱՆ 2-ՐԴ ԽՄԲՈՒՄ
14-02-2007 15:50:00 | | Սպորտ
ՍՏՈԿՀՈԼՄ, 14 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 13-ին
Շվեդիայի մայրաքաղաք Ստոկհոլմում տեղի ունեցաւ ֆուտբոլի Եւրոպայի
2009թ.-ի երիտասարդական առաջնութեան որակաւորման փուլի
վիճակահանութիւնը: Հայաստանի երիտասարդականն ընդգրկուած է 2-րդ
խմբում, որտեղ նրա մրցակիցներն են Չեխիայի, Ուկրաինայի, Թուրքիայի
եւ Լիխտենշտեյնի հաւաքականները:
ՈՒԵՖԱ-ի անդամ 52 երկրներից 10 խմբերում ընդգրկուած է 51-ի
թիմ: Յայտ չի ներկայացրել Անդորրան, իսկ շվեդ ֆուտբոլիստները որպէս
կազմակերպիչ երկրի ներկայացուցիչներ ազատուած են նախնական փուլի
մրցաշարերից: Խմբային մրցաշարերի հանդիպումները նախատեսուած է
անցկացնել ազգային հաւաքականների խաղերի նախօրեակին: