ՀԱՅԱՍՏԱՆԻ ԵՐԵՔ ՏԱՍՆԵԱԿԻՑ ԱՒԵԼԻ ՇԱԽՄԱՏԻՍՏՆԵՐ ԿՄԱՍՆԱԿՑԵՆ
ՄՈՍԿՈՎԵԱՆ «ԱԷՐՈՖԼՈՏ ՕՓԵՆ» ՄԻՋԱԶԳԱՅԻՆ ՄՐՑԱՇԱՐԻՆ
09-02-2007 15:25:00 | Հայաստան | Սպորտ
ԵՐԵՎԱՆ, 9 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 13-23-ին
Մոսկուայում կանցկացուի «Աէրոֆլոտ օփեն» շախմատի միջազգային
աւանդական մրցաշարը: 4 խմբերում կընդգրկուեն Հայաստանից աւելի քան
երեք տասնեակ ներկայացուցիչներ: Մրցաշարի 200 հազար ԱՄՆ դոլար
մրցանակային հիմնադրամի ուղիղ կէսը յատկացուած է 1-ին խմբին, որտեղ
կընդգրկուեն 2549-ից բարձր գործակից ունեցող շախմատիստները:
Ա խմբում Հայաստանը կներկայացնեն գրոստմայստերներ Վլադիմիր
Յակոբեանը, Աշոտ Անաստասեանը, Կարեն Ասրեանը, Արտաշէս Մինասեանը,
Գաբրիէլ Սարգսեանը եւ ուրիշներ: