2007 Թ.-ԻՆ ԵՐԵՒԱՆԻ ՔԱՂԱՔԱՊԵՏԱՐԱՆԸ ՄԻ ՇԱՐՔ ՔԱՂԱՔՆԵՐԻ ՀԵՏ
ԿՍՏՈՐԱԳՐԻ ՓՈԽՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳՐԵՐ
05-02-2007 15:42:00 | Հայաստան | Հասարակութիւն
ԵՐԵՎԱՆ, 5 ՓԵՏՐՈՒԱՐԻ, ՆՈՅԵԱՆ ՏԱՊԱՆ: 2007թ.-ին Երեւանի
քաղաքապետարանը տարբեր քաղաքների հետ կստորագրի
փոխհամագործակցության համաձայնագրեր: Ինչպէս փետրուարի 5-ի
ասուլիսում յայտնեց Երեւանի քաղաքապետարանի Արտաքին կապերի
վարչութեան պետ Դավիթ Գեւորգեանը, մասնաւորապէս Մոսկուայի եւ
Թբիլիսիի քաղաքապետարանների հետ կստորագրուեն 2008-2010թթ.-ի
համագործակցութեան համաձայնագրեր: Նախատեսւում է նաեւ
համագործակցութիւն հաստատել Սանկտ Պետերբուրգի, Կազանի եւ Սոֆիայի
քաղաքապետարանների հետ:
Դ.Գեւորգեանը նշեց նաեւ, որ մարտի ամսին Երեւանը կճանաչուի Լոս
Անջելէսի քույր քաղաք. այդ որոշումը կայացնելու է Լոս Անջելէսի
քաղաքային խորհուրդը: Նրա խօսքերով, Երեւանի քաղաքապետարանը
փորձում է նաեւ սերտ կապեր հաստատել Ռիո դե Ժանեյրոյի
քաղաքապետարանի հետ: Ներկայումս Երեւանը ակտիւ գործունէութիւն է
ծաւալում քույր քաղաք Լիոնի հետ: Մասնաւորապէս, բաւականին ցածր
գներով Լիոնից ձեռք է բերուել 5 միաւոր սանմաքրման յատուկ տեխնիկա,
իսկ 2-ը որպէս նվիրվատվություն տրուել է Երեւանի քաղաքապետարանին:
Դ.Գեւորգեան նշեց նաեւ, որ Երեւանը քույր քաղաք է 23, իսկ
գործընկեր` 31 քաղաքների հետ: