Երգահան Վահրամ Սարգսեանը յաղթող է ճանաչուել Բոստոնի
երգչախմբային համոյթի մրցանակաբաշխությունում
12-01-2010 14:05:00 | ԱՄՆ | Մշակոյթ
ԲՈՍՏՈՆ, 12 ՅՈՒՆՎԱՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Բոստոնի
երգչախմբային համոյթը ամփոփել է իր երրորդ ամենամեայ հեղինակաւոր
յանձնաժողովի մրցանակաբաշխութեան արդիւնքները եւ յաղթող է
ճանաչուել երեւանաբնակ երգահան եւ գեղարուեստական ղեկավար Վահրամ
Սարգսեանը: Ինչպէս տեղեկացնում է «Մարմարան», Սարգսեանն ընտրուել է
աւելի քան 80 տեղացի եւ արտասահմանցի մասնակիցներից` իր
ստեղծագործություններում արեւմտյան եւ արեւելյան երաժշտությունների
ազդեցութիւնը իւրայատուկ ձեւով միաձուլելու համար:
Բոստոնի երգչախմբային համոյթի երաժշտական ղեկավար Միքել
Ֆելիպը նշել է, որ Սարգսեյանի երաժշտութիւնը իսկապէս տպաւորութիւն
է գործել իրենց վրայ:
Թերթից տեղեկանում ենք, որ Բոստոնի երգչախմբային համոյթը
Նյու Ինգլանդ նահանգի առաջնակարգ կամերային երգչախմբերից մէկն է,
որ տարեկան 6-10 համերգ է տալիս: «Ուրախ ենք Սարգսեյանի
երաժշտութիւնը Բոստոն բերելու համար: Դա մեզ կօգնի նոր ծրագրեր
մշակել եւ զանազան աւանդոյթները միաւորող անհրաժեշտ յատկանիշներ
գնտել»,- ասել է համոյթի նախագահ Մեթյու Բագետյանը: