Թեհրանի մշակոյթային սրահներում հնչել են Արցախի հերոսամարտին
նուիրուած երգեր
03-12-2009 19:30:00 | | Մշակոյթ
ԹԵՀՐԱՆ, 3 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Դեկտեմբերի
2-ին Հ. Մ. «Նաիրի» միութեան «Սուքերյան» սրահում ելոյթ են
ունեցել Հայաստանից ժամանած երգիչ-երգահաններ Մկրտիչ Մկրտչեանը եւ
Դավիթ Ամալեանը: Ինչպէս հաղորդում է «Ալիքը», երգիչները
ներկայացրել են իրենց հեղինակած ազգային երգերը` նուիրուած Արցախի
հերոսամարտին, որին երգիչներն իրենց անմիջական մասնակցութիւնն են
բերել: Դեկտեմբերի 3-ին նոյն համերգը կրկնուել է Հ.Մ. «Սիփան»
միութեան «Նաիրի» սրահում:
Թերթից տեղեկանում ենք, որ ազատամարտի երկու մասնակիցները
կողք-կողքի մարտնչել են Դուշման Վարդանի, Պետոյի եւ միւս
հերոսների հետ, եւ նրանց նահատակ ընկերների նուիրական կերպարն ու
կորստի ցավը, նրանց մաքառումը իրենց արտացոլումն են գտել
ազգային-յեղափոխական երգերում: