Պոլսո հայոց պատրիարքարան են այցելել գերմանացի ուխտաւորներ
23-10-2009 18:15:00 | | Հասարակութիւն
ՍՏԱՄԲՈՒԼ, 23 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Գերմանացի աւետարանչական ուխտաւորների 28-հոգանոց խումբը
հոկտեմբերի 19-ին այցելել է Պոլսո հայոց պատրիարքարան, որտեղ նրանց
ընդունել է Կրոնական ժողովի ատենապետ Արամ արքեպիսկոպոս Աթեշյանը:
Ինչպէս տեղեկացնում է Թուրքիայի հայկական «Լրաբեր» պարբերականը,
հիւրերը Ստամբուլ են ժամանել փոքրամասնությունների կրոնական
հաստատութիւնները այցելելու նպատակով: Արամ Սրբազանի հետ
զրոյցում հիւրերը հետաքրքրուել են պատրիարքական աթոռի, հայ
համայնքի, Թուրքիայի քրիստոնյաների կեանքի, միջեկեղեցական եւ
միջկրոնական յարաբերութիւնների մէջ ունեցած դերի մանրամասներով: