Արմէն Յարութիւնեան. «Այսօր Հայաստանում գործում է<br /> աշխատանքային շահագործման սկզբունքը»<br />


Արմէն Յարութիւնեան. «Այսօր Հայաստանում գործում է
աշխատանքային շահագործման սկզբունքը»

  • 23-10-2009 15:00:00   | Հայաստան  |  Մարդու իրաւունքներ

ԵՐԵՎԱՆ, 23 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանում այսօր գործում է աշխատանքային շահագործման սկզբունքը: Այսպիսի յայտարարութիւն արեց ՀՀ Մարդու իրաւունքների պաշտպան Արմէն Յարութիւնեյանը աշխատանքային շահագործման, մենաշնորհների եւ շրջակայ միջավայրի պահպանութեան խնդիրներին նուիրուած հոկտեմբերի 23-ի ասուլիսում: «Այն մարդկանց համար, ովքեր քաղաքացուն դիտարկում են որպէս նրա իրաւունքների խախտմամբ գերշահոյթ ստանալու միջոց, պետութիւնը եւս գերշահոյթ ստանալու միջոց է դառնում»,- յայտարարեց Պաշտպանը: Որպէս օրինակ, Ա.Յարութիւնեյանը տեղեկացրեց, որ իր դիմումի հիման վրայ Աշխատանքի պետական տեսչությունը ստուգումներ է անցկացուել երթուղային տաքսիների վարորդների իրաւունքների հնարաւոր խախտումների վերաբերեալ տեղեկութիւններ ստանալու համար: Ստուգումներով, որ կատարուել են 70 կազմակերպություններից միայն 5-ում, պարզուել է, որ վարորդներին շահագործել են արտաժամեայ` 18 ժամ, աշխատեցրել են առանց վճարելու. ընդհանուր առմամբ, չի վճարուել 144 մլն դրամ (մօտ 374 հազար ԱՄՆ դոլար), որի մէջ մտնում է աշխատավարձը, սոցվճարները, պետական բիւջէ գանձուող եկամտահարկի գումարը: Ստուգումները ցոյց են տուել նաեւ, որ բացակայում է բժշկական հսկողութիւնը: Պարզուել է նաեւ, որ կազմակերպություններից մէկում 24 վարորդներից միայն 4-ն ունեն պատշաճ փաստաթղթեր, իսկ կազմակերպություններից մէկն էլ շուրջ մէկ տարի գործում է առանց արտօնագրի: Արդիւնքում ոչ միայն խախտուել է վարորդների աշխատանքային իրաւունքը, այլեւ չի ապահովել ուղեւորների անվտանգութիւնը,- ասաց Ա.Յարութիւնեյանը: Նա հոյս յայտնեց, որ Աշխատանքի պետական տեսչությունը ուսումնասիրություններ կանցկացնի տուեալ բնագաւառում գործող աւելի խոշոր ընկերութիւններում անկախ այն բանից, թէ ով է դրանց սեփականատերը, կամ ով է նրանց թիկունքում կանգնած:
  -   Մարդու իրաւունքներ