ԵՐԵՎԱՆ, 19 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Մարդու իրաւունքների Եւրոպական դատարանի երրորդ բաժանմունքն ընդունել է «Բջնի հանքային ջրերի գործարան» ՓԲ ընկերութեան բողոքն ընդդէմ Հայաստանի Հանրապետութեան: Գործի համարն է N 41340/09: Այս մասին «ՆՈՅԵԱՆ ՏԱՊԱՆ»-ին տեղեկացրեց «Բջնի»-ի շահերի ներկայացուցիչ, փաստաբան Արա Զոհրաբյանը: Ըստ նրա, Եւրոպական դատարանն առաջարկել է բողոք բերող անձանց մինչեւ 2009թ.-ի նոյեմբերի 19-ը ներկայացնել նաեւ բողոքի ամփոփագիր: Յիշեցնենք, որ Մարդու իրաւունքների Եւրոպական դատարանին 2009թ. յուլիսի 24-ին փոխանցված դիմումով դիմողները խնդրել են, որպէս արդար փոխհատուցում Հայաստանի Հանրապետութեանը պարտաւորեցնել տրամադրել մօտ 220 մլն եվրոյին համարժէք ՀՀ դրամ: Միջազգային իրաւունքի որոշ մասնագէտների կարծիքով, վերոհիշյալ բողոքը հիմնաւոր է: Չնայած դրան, Եւրոպական դատարանը կարող է 220 մլն եվրոյից պակաս գումարի վճարում պարտադրել ՀՀ-ին` հաշուի առնելով երկրի տնտեսական վիճակը:

---